काठमाडौं, ४ माघ ।
नेकपा (माओवादी) ले सगरमाथा यातयात व्यवस्था कार्यालयका प्रमुख योगेश्वर खनालमाथि कालोमोसो दलेको छ ।
लाइसेन्स वितरणमा अनियमितता गरेको, सेवाग्राहीलाई अनावश्यक झन्झट दिएको, ट्रायल फेल भएकाहरुलाई समेत घुस खाएर लाइसेन्स दिएको लगाएतका आरोप लगाउदै विप्लव माओवादी सिराहाले खनाललाई कालोमोसो दलेको हो ।
यस्तै २५ हजारका दरले पैसा खाएर ७५ बढी ट्रयाक्टरहरुको लाइसेन्स बनाएको तथा पदको दुरुपयोग गरि लाइसेन्स वितरणमा लाखौं भ्रष्टाचार गरेकोले आफ्नो पार्टीले खनालमाथि जानकारी गरेको नेकपा माओवादीले विज्ञप्ति मार्फत जनाएको छ ।
