काठमाडौं, १८ माघ ।
सर्वाेच्च अदालतले काठमाडौं उपत्यकाको सडक निर्माण गर्दा धुवाँधुलो न्यूनीकरण गर्ने विधि अपनाएर मात्र निर्माण गर्न सम्बन्धित निकायलाई अन्तरिम आदेश दिएको छ ।
न्यायाधीश डा. आनन्दमोहन भट्टराईको एकल इजलासले सडक विभाग, मेलम्ची खानेपानी आयोजना, काठमाडौं उपत्यका विकास प्राधिकरण र काठमाडौं महानगरपालिकालाई यस्तो आदेश दिएको हो । आदेशमा तत्काल धुलो न्यूनीकरण भए/नभएको निरीक्षण र अनुगमन गर्न/गराउनसमेत आदेश दिइएको छ ।
अधिवक्ता पदमबहादुर श्रेष्ठले अघिल्लो सोमबार उपत्यकामा सडक निर्माणका कारण वायु प्रदुषण बढेको जनाउँदै अदालतमा रिट निवेदन दायर गेका थिए ।
