स्ववियु निर्वाचनको मिति घोषणालगत्तै चुनाव प्रचारमा सक्रिय आफ्ना कार्यकर्ताहरुमाथि नेविसंघले आक्रमण गरेको भन्दै अखिल क्रान्तिकारीले विरोध गरेको छ । आइतबार र सोमबार लगातार दुई दिन नेविसंघ महामन्त्री साजना अधिकारी नेतृत्वको टोलीले आफ्ना नेता-कार्यकर्ताहरुमाथि आक्रमण गरेर घाइते बनाएको क्रान्तिकारीको भनाइ छ ।
अखिल क्रान्तिकारीका प्रवक्ता सुरेन्द्र बस्नेतका अनुसार नेविसंघको आक्रमणबाट अखिल क्रान्तिकारीकी केन्द्रीय सदस्य तथा पद्मकन्या क्याम्पस अध्यक्ष बसन्ता भण्डारी, केन्द्रीय सदस्यहरु गंगा दाहाल, दर्शना नेपाली, दिपा जोशी र देविका मिजार घाइते भएका छन् ।
प्रवक्ता बस्नेतले सोमबार जारी गरेको विज्ञप्तिमा लेखिएको छ, ‘स्ववियु निर्वाचन नजिकिदै जाँदा कलेजमा अखिल क्रान्तिकारीको लोकपि्रयता र माहौल बढ्दै जान थालेपछि अत्तालिएर नेविसंघका नेता कार्यकर्ताले देखाएको यसप्रकारको अराजनीतिक र निकृष्ट हर्कतको घोर निन्दा र भ्रत्सना गर्दछौं । यस घटनामा अविलम्ब सार्वजनिक रुपमा क्षमा माग्न र दोषी उपर कडा कार्वाही गर्न सम्वन्धित पक्षलाई माग गर्दछौं ।’
अखिल क्रान्तिकारीको विज्ञप्ति
