प्रमुख विपक्षी दल नेकपा एमालेको भ्रातृ संगठन अखिल समर्थक विद्यार्थीहरुले नवलपरासीको कावासोतीमा जन्ती बोकेको बस तोडफोड गरेका छन् ।
संविधान संशोधन र सांसदहरुको सुविधा वृद्धिको विरोधमा आन्दोलनमा उत्रेका अखिल समर्थक विद्यार्थीले पूर्वघोषित एक घन्टे चक्काजाममा बस चलाएको भन्दै ना ३ ख ४१३८ नम्बरको बस तोडफोड गरेका हुन् । सो बस विवाहका लागि नारायणगढबाट बुटवल जाँदै थियो ।
नवलपरासीको नवलपुर क्षेत्रलाई प्रदेश नम्बर ४ मा नै राख्नु पर्ने उनीहरुको माग छ । माग पूरा नभए अनिश्चितकालीन चक्काजाम गर्ने उनीहरुको भनाइ छ ।
