पोखरामा सर्वाधिक बर्षा भएको छ । वितेको २४ घण्टामा पोखरामा २६३ .४ मिलिमिटर बर्षा भएको जल तथा मौषम विज्ञान विभागले जनाएको छ । मंगलवार साझ पौने ६ बजेको मापन अनुसार पोखरामा देशभरकै सर्वाधिक बर्षा भएको हो ।
नेपालकै चेरापुन्जी भनेर चिनिने कास्कीको लुम्लेमा भन्दा पनि पोखरामा बढी बर्षा भएको हो । लुम्लेमा २१६.५ मिलिमिटर बर्षा भएको छ । त्यस्तै विराटनगरमा २२८.६ मिलिमिटर बर्षा भएको छ । काठमाडौंमा ८६ मिलिमिटर बर्षा भएको विभागले जनाएको छ । सबैभन्दा कम सिमरामा १.९ मिलिमिटर बर्षा भएको छ ।
सेती नदीमा बाढी, पन्ध्र घर डुबानमा, तीस घर बिस्थापित
पोखराको सेती नदीमा पानीको सतह बढेपछि नदि किनारका बस्तीहरु जोखिममा परेका छन् । हिजो देखि परेको भारी वर्षाले नदिको सतह बढेर पोखरा–१० रामघाटको सुकुम्बासी बस्ती डुबानमा परेको छ ।
कास्कीको हेम्जामा बालुवा निकाल्ने क्रममा एक महिलालाई सेती नदीले बगाएर बेपत्ता बनाएको छ भने दर्जनौ घर डुबानमा परेका छन् । सोमबार साँझ हेम्जामा बस्दै आएकी म्याग्दीकी ४० वर्षीया मोतीकला छन्त्याललाई सेती नदीले बगाएको र उनको खोजीकार्य भइरहेको बज्राचार्यले जानकारी दिनुभयो ।
अबिरल बष्ातको कारण लेखनाथ – लामगादि जोड़ने पक्की पुल खतरामा परेको जानकारी प्राप्त भएको छ । सर्बसाधारण लाइ आवात जावत मा रोक समेत लगाइएको स्थानीयले बताएका छन । उक्त पुल मार्फत पोखरा देखि पुडीटर जाने बस साथै पोखरा देखि लामगादि, भन्ज्यांग , मालागिरि हुदै मनियल डाडा जाने बस सञ्चालन हुन्थ्यो ।
छोरेपाटनमा प्लटिङले डुवान
दामोदर कुनामा विष्णु पौडेल, माया न्यौपाने, रमिला सुनार, गोपाल प्रसाद अधिकारी, माया नेपाली, खीमादेवी पौडेल, मोहनराज विश्वकर्मा लगाएतको घर डुवानमा परेको छ । खोलाको पानी निकास हुने क्षेत्र पुरेर प्लटिङ गरेपछि डुवानको समस्या भएको हो ।
पानीको निकास क्षेत्र पुरेर प्लटिङ गर्दै घर बनाउन थालेपछि तीन वर्षदेखि डुवानको समस्या भोग्दै आएको स्थानिय मोहनराज विश्वकर्माले बताए । खोलाको वहाव क्षेत्र नभएपछि भ्वानबाट भूमिगत रुपमा पानीको निकास हुदै आएको थियो ।
प्लटिङको कारण पानीको निकास नहुदा डुवानमा परेको भन्दै स्थानियले गुनासो गरेपछि अघिल्लो बर्ष सर्बपक्षिय भेला समेत भएको थियो । भेलामा प्लटिङ गर्ने पक्षले पानीको निकासको लागि ब्यवस्था मिलाउने प्रतिबद्धता जनाएपनि कार्यन्वयन भएन ।
