काठमाडौं, २३ पुस ।
मेलम्चीको पानी काठमाडौं उपत्यकामा ल्याएर वितरण गरिने त सबैलाई थाहा भएकै कुरा हो । तर मेलम्चीको पानीबाट सुन्दरीजलमा दई सय किलोवाट बिजुली पनि निकाल्ने भएको छ ।
मेलम्ची खानेपानीका लागि चाहिने बिजुली आफैले उत्पादन गर्ने सुरुकै डिजाइन अनुसार काम भइरहेको मेलम्ची विकास समितिका उपकार्यकारी निर्देशक ज्योतिकुमार श्रेष्ठले बताए ।
उहाँका अनुसार दुई सय किलोवाट बिजुली उत्पादनका लागि आवश्यक पूर्वाधारको काम मेलम्चीको सुरुङ निर्माण सँगै सकिनेछ ।
मेलम्चीको पानी सुन्दरीजल आउने दिनदेखि नै बिजुली पनि बाल्ने गरि काम भइरहेको छ । उत्पादित बिजुली मेलम्ची खानेपानीको लागि आवश्यक उपकरण सञ्चालन गर्न प्रयोग हुने उनले बताए ।
