पूरै समुन्द्र नै रक्ताम्य

संबाददाता : ओम हमाल     प्रकाशित मिति: (२०७५ भाद्र ४, सोमबार) ०९:२९

स्कटल्याण्डबाट ३२१ किलोमिटर उत्तरी भुभागमा रहेको फारो टापुस्थित समुद्र रगतले भरिएको छ । कसरी समुद्रमा त्यति धेरै रगत पोखियो र समुद्रको पानी नै रातो भयो ? यो एउटा विचित्रको रहस्यको कुरा हुनसक्छ ।

रिपोर्ट अनुसार डेनमार्क अधिनस्थ फारो टापुमा रहेको समुद्रमा एकै ठाउँ जम्मा भएका ठूलो संख्याका ह्वेल माछा मारेपछि समुद्रको पानी रगताम्य भएको हो ।

सरकारका अनुसार फारोस्थित आइल्याण्ड अफ वेगरमा गत जुलाई ३० तारखेमा भएको उक्त घटनाको तस्वीर सार्वजनिक भएको हो । पाइलट ह्वेल प्रजातिको ह्वेलमाछा ठूलो संख्यामा मारिएका छन् ।

जनावर सुरक्षा अधिकारीहरुले उक्त दृश्यप्रति आफ्नो आक्रोश व्यक्त गरेका छन् । तस्बिरमा देखिए अनुसार दर्जनौँ ह्वेल माछाहरुलाई एउटा समूहमा खाडीमा जम्मा भएका बेला एउटै झुण्डमा मारिएको छ । ती माछाहरुलाई एकैपटक मारेका कारण नै समुन्द्रको पानी रातो भएको हो ।

उक्त द्वीपसमूहमा हरेक वर्ष गर्मीको समयमा ह्वेलको सिकारका लागि ठूलो संख्यामा मानिसहरु आउने गर्दछन् । ह्वेलको यस्तो दर्दनाक शिकार फारो टापुमा वैध रहेको छ ।

 

रगताम्य यस समुद्रको तस्वीर सोशल मिडियामा सार्वजनिक भएसँगै तीव्र आलोचना भैरहेको छ । जनावर अधिकारकर्मीहरुले त्यसको विरोध गरिरहेका छन् । बेलायतको एक प्रेशर ग्रुप ब्लू प्लेनेट सोसाइटीले यसको कडा निन्दा गरेको छ ।

प्लेनेट सोसाइटीले फारो टापुलाई क्रुर र अराजक देश घोषणा गरेको छ । यस समूहका अनुसार फारो टापुलाई २१ औँ शताब्दीमा शामिल हुन जरुरी रहेको छ ।

कतिपय संस्थाहरुले यस्तो क्रूर व्यवहार नरोकिएसम्म फारोलाई अन्तर्राष्ट्रिय खेलकुद लगायतका समारोहहरुमा भाग लिनबाट प्रतिबन्ध लगाउनुपर्ने माग गरेका छन् ।

त्यहाँको सरकारका अनुसार यो उनीहरुको जीवनको हिस्सा रहेको छ । उसले दिएको एक बयानमा ह्वेलको शिकार कुनै अनुष्ठाका लागि गरिएको भन्ने आरोपको खण्डन गरेको छ ।

पाइलट ह्वेलको मासु तथा बोसो फारो टापुमा राष्ट्रिय भोजनका रुपमा रहेको छ । उक्त देशमा मानिसहरुले पाइलट ह्वेलको मासु सहजै रुपमा प्राप्त गर्न सक्दछन् । एउटा ह्वेलबाट सयौँ किलो मासु तथा बोसो प्राप्त हुने भएकाले जनतालाई ह्वेलको मासु पर्याप्त रहेको त्यहाँको सरकारले जनाएको छ ।

यस टापुमा तैरिएर आएका ह्वेल तथा डल्फिन हरेक बर्ष हजारौँको संख्यामा मारिने गरिन्छ । यो देश डेनमार्कको हिस्सा हो । तर यसलाई एउटा अलग देशको रुपमा स्वायत्तता मिलेको छ । त्यसैले त्यहाँ डेनमार्क वा ईयूका कुनै पनि नियम कानुन लागू हुदैन । सरकारी आँकडाका अनुसार यस देशको जनसंख्या लगभग ५० हजार रहेको छ । एजेन्सी


(२०७५ भाद्र ४, सोमबार) ०९:२९ मा प्रकाशित

°
Weather from OpenWeatherMap

मुख्य समाचार

सबै

भारत विरुद्धमा मलेसियाबाट नेपाली जनप्रगतिशिल मोर्चाले कडा संघर्ष को चेतावनी सहित विज्ञप्ति

  भारतले हालै प्रकाशित गरेको आफ्नो देशको नक्सामा नेपालको कालापानी ,लिपुलेख,र लिम्पियाधुरासहितको,भु-भा गलाई भारतमा गाभेको विषयप्रति नेपाल कम्युनिस्ट पाटी निकट पुर्बी एसिया जनप्रगतिशिल मोर्चा मलेसिया ले.....

तारेखमा छुटाउन रकम ‘वार्गेनिङ्ग” गरेको आरोपमा सर्बोच्च अदालतका नासु खड्का पक्राउ

अख्तियारले सर्बोच्च अदालतका कर्मचारीलाई पहिलो पटक घुस मागेको आरोपमा पक्राउ गरेको छ। बैंकिङ कसुर र अनियमिततामा मुद्दा चलाइएका कर्णाली प्रदेशका तत्कालीन भौतिक पूर्वाधारमन्त्री.....

सत्ता बाहिर रहेका दलहरुसंग मिलेर काम गर्ने नवनियुक्त प्रदेश प्रमुख शेरचनको प्रतिबद्धता

गण्डकी प्रदेशका नवनियुक्त प्रदेश प्रमुख अमिक शेरचनले सत्ता बाहिर रहेका दलहरुसंग मिलेर काम गर्ने प्रतिबद्धता व्यक्त गरेका छन्। पोखराको शहिदचोक स्थित गण्डकी प्रदेश प्रमुखको कार्यालयमा.....

Exchange Rate

Nepali Patro