नेपाल बन्दको मर्यादालाई कायम राख्दै मर्यादित र संयमित तरीकाले ट्होटे पर्व मनाउन नेकपाको आव्हान

संबाददाता : ओम हमाल     प्रकाशित मिति: (२०७५ श्रावण २९, मंगलवार) ०९:०१

नेत्र विक्रम चन्द नेतृत्वको नेपाल कम्युनिस्ट पार्टीकि केन्द्रीय सदस्य एबम गण्डक ब्युरो इम्चार्ज सावित्रा दुरा ‘आस्था’ले गुरुङहरुको महान चाड ट्होटे पर्वको अबसरमा सम्पूर्ण गुरुङ जातिमा शुभकामना ब्यक्त गर्दै पार्टीको नेपाल बन्द कार्यक्रम चलिरहेको सन्दर्भमा संयमतापुर्बक चाड मनाउन सम्पुर्ण गुरुङ जातिलाई अनुरोध गरेकी छिन l

नेकपा नेत्री आश्थाले मंगलबार बिहान जनसंचार डट कमसंग कुराकानी गर्दै यस्तो अनुरोध गरेकी हुन् l उनले अघि भनिन, ‘पार्टीका प्रबक्ता कमरेड प्रकान्डलाई दलाल सरकारले गिरफ्तार गरेर झुट्ठा मुद्दा लगाएको छ l संघियता कार्यान्बयन गर्ने नाममा नेपाली जनताको ढाड सक्ने गरी कर वृद्धि गरिएको छ l यस्ता गम्भीर बिषयहरुलाई उठाएर पार्टीले देशव्यापी नेपाल बन्दको आयोजना गरेको हो l कहीकतै नेपाल बन्द फिर्ता लिने सम्भावना छैन l तर आदिवासी जनजातिको महान चाड मान्ने अधिकारलाई सम्मान गर्छौं l तर नेपाल बन्दको मर्यादालाई कायम राख्दै मर्यादित र संयमित तरीकाले ट्होटे पर्व मनाउन हामी सम्बन्धित सबैमा अनुरोध गर्दछौं l

यसैबीच, नेत्र विक्रम चन्द नेतृत्वको नेकपाले आह्वान गरेको नेपाल बन्दको असर पोखरामा  पूर्ण रुपमा परेको छ । केही फाट्टफुट्ट मोटरसाईकल र अत्यावश्यक गाडीहरु बाहेक सार्वजनिक यातायात ठप्प छ । पोखराका मुख्य बजार पूरै बन्द छन् ।

स्कुल तथा कलेजहरु पनि चलेका छैनन् । पोखरा सुनसान छ । लामो तथा छोटो दुरीका सवारी साधन ठप्प रहेका छन् भने ठुला शहर र बजार बन्द रहेका छन् । आजै गुरुङहरुको महान चाड ट्होंटे पर्व भएकोले बन्द फिर्ता लिन आग्रह गरिएपनि फिर्ता भएको छैन ।

 

 


(२०७५ श्रावण २९, मंगलवार) ०९:०१ मा प्रकाशित

Exchange Rate

Nepali Patro