कास्की जिल्लास्थित सुरक्षा सम्बद्ध उच्च अधिकारीहरुकै अगाडी बुधबार फेवा टेलिभिजनका स्टेशन मेनेजर हेमराज अधिकारीमाथि भएको आक्रमण र उनको क्यामरा तोडफोड भएको घटनाप्रति पत्रकारसंग सम्बन्धित संस्थाहरुले बिरोध गरेका छन् l उनीहरुले दोषीमाथि कडा कारबाहीको माग गर्नुको साथै पत्रकारहरुको सुरक्षाको प्रत्याभूति दिन स्थानीय प्रशासंसंग माग गरेका छन् l

यसरी माग गर्ने पत्रकारसंग सम्बन्धित संस्थाहरुमा नेपाल पत्रकार महासंघ कास्की र नेत्र बिक्रम चन्द विप्लब नेतृत्वको नेपाल कम्युनिस्ट पार्टी निकट क्रान्तिकारी पत्रकार संगठन, आदिवासी जनजाती पत्रकार संघ कास्की, लगायत रहेका छन् l

क्रान्तिकारी पत्रकार संगठनका केन्द्रीय सदस्य एबम गण्डकी धवलागिरी संयोजक ओम हमालले एक प्रेस विज्ञप्ती जारी गरी उक्त घटनाको बिरोध गरेका छन् l

विज्ञप्तीमा अघि भनिएको छ, “दिशा-पिसाबमा देखिने किटाणु जस्तै कोलिफर्म ब्याक्टेरियायुक्त दुषित पानी उत्पादन गर्ने सिएम् अक्वा वेभरेज प्रालि‘पोखरा –  २५ हेम्जामा शिलबन्दी गर्न पुगेका कास्कीका सहायक प्रमुख जिल्ला अधिकारी गंगा बहादुर क्षेत्री, कास्कीका प्रहरी प्रवक्ता डि.एस.पी. रविन्द्रमान गुरुङ, उपभोक्ता मन्च कास्कीका अध्यक्ष कपिलनाथ कोईराला लगायतकै अगाडी जनतालाई सही सुचना दिन उद्दत पत्रकार फेवा टेलिभिजनका स्टेशन मेनेजर हेमराज अधिकारीमाथि दुरव्याबहार हुनुका साथै क्यामरा तोडफोड भएको लज्जाश्पद घटनाप्रति क्रान्तिकारी पत्रकार संगठन घोर आपत्ति प्रकट गर्दछ l” जिल्लाका उच्च सुरक्षा अधिकारीकै अगाडी एकजना पत्रकारमाथि आक्रमण हुनु लज्जास्पद बिषय भएको भन्दै विज्ञप्तीमार्फत “कास्कीको सुरक्षा व्यबस्थाको धज्जी उडेको” टिप्पणी गरिएको छ l

जनताको स्वास्थ्यमाथि खेलवाड गर्ने तथा जनतालाई सुसुचित गराउने पत्रकारमाथि आक्रमण गर्ने सिएम् अक्वा वेभरेज प्रालि‘तथा त्यसका मेनेजर  कपिलकिरण श्रेष्ठमाथि कडा कारवाही गर्न, तोडफोड भएको क्यामराको उचित क्षतीपुर्तिको व्यबस्था गर्न र पत्रकारको सुरक्षामा संबेदनशील बन्न स्थानिय प्रशासन समक्ष क्रान्तिकारी पत्रकार संगठनले माग गरेको छ l

नेपाल पत्रकार महासंघ कास्कीका अध्यक्ष दीपेन्द्र श्रेष्ठले बुधबार एक प्रेस विज्ञप्ती जारी गर्दै कास्कीका सहायक प्रमुख जिल्ला अधिकारी गंगा बहादुर क्षेत्री, कास्कीका प्रहरी प्रवक्ता डि.एस.पी. रविन्द्रमान गुरुङ, उपभोक्ता मन्च कास्कीका अध्यक्ष कपिलनाथ कोईराला लगायतको उपस्थितीमा फेवा टेलिभिजनका स्टेशन म्यानेजर हेमराज अधिकारीमाथि दुरव्यवहार हुनुकासाथै क्यामरा समेत तोडफोड भएको घटनाले, सम्पूर्ण पत्रकार असुरक्षित भएको महशुस भएको उल्लेख छ l

अक्वा वेभरेज प्रालि‘का मेनेजर श्रेष्ठको यस्तो हर्कत सिंगो संचार माध्यम माथिको ठाडो हस्तक्षेप भएको महासंघको प्रेस विज्ञप्तीमा जनाइएको छ । नेपाल पत्रकार महासंघ कास्की अध्यक्ष दीपेन्द्र श्रेष्ठद्धारा जारी विज्ञप्तीमा दोषी उपर कडा कारवाही गर्न, तोडफोड भएको क्यामराको उचित क्षतीपुर्तिको व्यबस्था गर्न र पत्रकारको भौतिक सुरक्षाको ग्यारेन्टी गर्न स्थानिय प्रशासन समक्ष प्रेस विज्ञप्तीमार्फत जोडदार माग गरेको छ ।

यसै गरी नेपाल आदिवासी जनजाति पत्रकार महासंघ (फोनिज) कास्कीले पनि एक प्रेस विज्ञप्ती जारी गरेर टुडेज मिनरल वाटरको समाचार संकलनका लागी गएका सञ्चारकर्मी हेमराज अधिकारी प्रति भएको हातपातको घटनाप्रति घोर भत्सना गरेको छ ।
नेपाल आदिवासी जनजाति पत्रकार महासंघ (फोनिज) कास्कीका अध्यक्ष एमबी आस्था मगरले जारी गरेको प्रेस विज्ञप्तीमा कम्पनीका सञ्चालक कपिलकिरण श्रेष्ठद्धारा फेवा टेलिभिजनका स्टेशन म्यानेजर समेत रहेका पत्रकार हेमराज अधिकारीमाथी प्रशासन र प्रहरीको अगाडी हातपात गर्नु र सञ्चार सामाग्रीमाथ क्षती पु¥याएको प्रति फोनिज कास्कीको गम्भीर ध्यानाकर्षण भएको उल्लेख छ l   सो प्रेस विज्ञप्तीमा प्रशासन र प्रहरीको अगाडी पत्रकार र पत्रकारको सामाग्रीमाथी भएको यस्ता हर्कतले प्रशासन र प्रहरीको धज्जी उडाएको उल्लेख छ l यस्ता क्रियाकलापमा संलग्न दोसीलाई कडा कारबाही गर्न समेतफोनिज कास्कीले  जोडदार माग गरेको छ ।