हेमन्त कान्छा रसाईलीको स्वरमा रहेको नयाँ गीत सार्वजनिक भएको छ । दसैँ तिहारको पूर्व सन्ध्यामा सार्वजनिक गरिएको ‘तिमीलाई सन्देश’ बोलको गीतमा परदेशीको पीडा समेटिएको छ ।
सुनिल मास्केले संगीत दिएको उक्त गीतमा प्रदीप श्रेष्ठको सङ्गीत संयोजन रहेको छ । गीतकार ध्रुवप्रसाद अम्गाईले गीतको शब्द कोरेका हुन् ।
गायक हेमन्त कान्छासँगै रेनु पुन मगरको अभिनय रहेको भिडियोमा परदेश पुगेका युवा दसैँ तिहारमा घर आउन नपाउँदाको पीडालाई देखाइएको छ । आफ्नी श्रीमती र बुबाआमालाई पत्रमार्फत उसले पठाएको सन्देशलाई भिडियोमा प्रस्तुत गरिएको छ ।
निश्चल पौडेलले खिचेको भिडियोलाई विकाश दाहालले सम्पादन गरेका छन् । भिडियोका निर्देशक युवराज वाइबा हुन् ।
