पोखरा, ३० जेठ २०८३।
हतियारसहित नेपाली भुमि नवलपरासीको सुस्तामा प्रवेश गरेका भारतीय सीमा सुरक्षा बल (एसएसबी)को टोलीलाई स्थानीय सुस्ताबासीले प्रतिकार गरेर लखेटेका छन्।
हतियारसहित नेपाली भूमिमा प्रवेश गरेको देखे पछिपछि स्थानीय नेपालीहरू एकजुट भएर प्रतिकार गरेर भारतीय सीमा सुरक्षा बलका जवानहरुलाई लखेटेका हुन्।
विरोधमा उत्रिएका छन्। घटनापछि सीमा क्षेत्रमा केही समय तनावपूर्ण अवस्था सिर्जना भएको स्थानीयले बताएका छन्।
स्थानीय बासिन्दाका अनुसार भारतीय एसएसबीका केही सुरक्षाकर्मी सुस्ता क्षेत्रतर्फ प्रवेश गरेको जानकारी पाएपछि गाउँका नेपालीहरू ठूलो संख्यामा घटनास्थलमा पुगेका थिए। नेपालीहरूको विरोध र उपस्थितिपछि भारतीय पक्ष पछाडि हटेको दाबी स्थानीयले गरेका छन्।
सुस्ता क्षेत्र लामो समयदेखि नेपाल–भारत सीमा विवादको केन्द्रबिन्दु रहँदै आएको छ। नारायणी नदीको बहाव परिवर्तनसँगै सीमा निर्धारणमा समस्या उत्पन्न भएपछि उक्त क्षेत्रको स्वामित्वलाई लिएर बेला–बेलामा विवाद हुने गरेको छ। स्थानीयवासीहरूले वर्षौंदेखि आफ्नो भूमि संरक्षणका लागि संघर्ष गर्दै आएका छन्।
घटनापछि सुस्तावासी नेपालीहरूले आफ्नो भूमि, राष्ट्रियता र स्वाभिमानको रक्षा गर्न आफूहरू सदैव तयार रहेको बताएका छन्। स्थानीय अगुवाहरूले सीमा क्षेत्रमा बसोबास गर्ने नागरिकहरू नै देशको पहिलो सुरक्षा घेरा भएको उल्लेख गर्दै सरकारले सीमा व्यवस्थापन र सुरक्षा सुदृढ बनाउनुपर्ने माग गरेका छन्।
स्थानीय बासिन्दा भन्छन्, “देशको सीमामा बस्ने नागरिकहरूलाई समस्यामा पर्दा राज्यले साथ दिनुपर्छ। हामीले आफ्नो भूमि जोगाउन एकताबद्ध भएर उभिने सन्देश दिएका छौं।”
यस घटनाले मधेश तथा तराई क्षेत्रमा बसोबास गर्ने नेपाली नागरिकहरूको देशप्रेम र राष्ट्रिय सुरक्षाप्रतिको प्रतिबद्धतालाई पुनः उजागर गरेको स्थानीयको भनाइ छ। विभिन्न जातजाति, भाषा र समुदायका नेपालीहरू सीमा रक्षाका विषयमा एकजुट देखिएको उनीहरूले बताएका छन्।
राजनीतिक तथा सुरक्षा क्षेत्रका जानकारहरूका अनुसार सीमा क्षेत्रमा देखिने यस्ता घटनाहरूलाई कूटनीतिक संवाद र तथ्यगत अनुसन्धानमार्फत समाधान गर्न आवश्यक छ। उनीहरूले राष्ट्रिय हित र सीमाको सुरक्षामा कुनै सम्झौता नगरी दुवै देशबीचको सम्बन्धलाई समेत सन्तुलित ढंगले अगाडि बढाउनुपर्ने सुझाव दिएका छन्।
सुस्ता क्षेत्रका नेपालीहरूले देखाएको एकता, साहस र राष्ट्रिय भावना अहिले सामाजिक सञ्जालमा समेत व्यापक रूपमा चर्चामा रहेको छ। स्थानीयहरू भने सीमा सुरक्षालाई थप प्रभावकारी बनाउन सरकारको ध्यानाकर्षण गराइरहेका छन्।
