पोखरा महानगरपालिका क्षेत्रमा कार्यरत सात प्रहरीसहित १६ जनामा एकाबिहानै कोरोना संक्रमण पुष्टि भएको छ।
पोखरा महानगरपालिकाको वडा नम्बर १५ क्षेत्रमा कार्यरत सात जना प्रहरी तथा वडा नम्बर १० मा ३ र वडा नम्बर २७ मा दुई जना कोरोना संक्रमित भएको गण्डकी प्रदेश स्वास्थ्य निर्देशनालयले जानकारी दिएको छ। निर्देशनालयले जारी गरेको बिज्ञप्ति अनुसार, वडा नम्बर ५, १२ र १४ का १/१ जनामा कोरोना संक्रमण देखिएको छ।
निर्देशनालयको अध्यावधिक विवरण अनुसार, क्षयरोग उपचार केन्द्र, पोखरा र स्वास्थ्य बिज्ञान प्रतिष्ठान, पोखरा गरिएको परिक्षणमा गण्डकी प्रदेशमा ४० जना नयाँ सक्रमित पुष्टि भएका छन्। यो संगै गण्डकी प्रदेशमा कोरोना संक्रमितको संख्या दुईहजार तीनसय ५२ पुगेको छ |
