सेवाग्राहीसँग घूस लिँदालिँदै इलाका प्रहरी कार्यालय कडरवाना सप्तरीका प्रमुख प्रहरी निरीक्षक प्रेमबहादुर थापा पक्राउ परेका छन् । घूस लिइरहेको अवस्थामा प्रनि थापा र जवान अशोककुमार यादवलाई अख्तियार दुरुपयोग अनुसन्धान आयोगको पूर्वाञ्चल क्षेत्रिय कार्यालय इटहरीको टोलीले पक्राउ गरेको हो । सेवाग्राहीसँग ४० हजार रुपैयाँ घूस लिँदै गरेको अवस्थामा अख्तियारका डिएसपी रमेशकुमार बस्नेत नेतृत्वको टोलीले थापा र यादवलाई प्रहरी कार्यालयबाटै बुधबार दिउँसो पक्राउ गरेको हो ।

सवारी दुर्घटनामा परेको मोटरसाइकल छुटाइदिन्छु भन्दै स्थानीय महमद सागिर अलीबाट घूस लिँदै गरेको अवस्थामा दुबैजना रंगेहातपक्राउ परेको अख्तियारको पूर्वाञ्चल क्षेत्रिय कार्यालय इटहरीका प्रमुख डुल्लुराज बस्नेतले बताए ।