लियोनल मेस्सीले बार्सिलोनासँग नयाँ सम्झौताका विषयमा छलफल सुरु गरेका छन् । यस्तै स्ट्राइकर लुइस स्वारेज क्लबसँग सन् २०२२ सम्मको सम्झौताको तयारीमा छन् ।

अर्जेन्टिनाका मेस्सीले क्लबसँग सन् २०१८ सम्मका लागि यसअघि नै सम्झौता गरिसकेका छन् । अहिले थप समयका लागि सम्झौता गर्ने विषयमा छलफल भइरहेको हो । क्लबका प्रशिक्षक लुइस इन्ड्रिकले मेस्सीसँग छलफल सुरु भएको र यो निकै खुसीको कुरा रहेको बताएका छन् । यसले आफूलाई थप उत्साहित गरेको उनको भनाई छ ।