भारतको बरौनी बाट इन्धन भरेर नेपाल फर्कदै गरेको नेपाल आयल निगमको ट्यांकर भारतमा लुटिएको छ । बिहिबार भारतको रामगढुवा नजिकै सो ट्यांकर लुटिएको नेपाल आयलका निगम क्षत्रीय प्रवन्धक भानुभक्त खनालले पुष्टि गरे ।
उनले लुटेराहरुबाट ट्यांकरका सहचालक उम्किन सफल भएपनि चालकसहितका ४ जना अझैं सम्पर्कमा आउन नसकेको जानकारी दिँदै यसलाई निगमले ठूलो घटनाको रुपमा लिएको बताए । अहिले लुटिएको ट्यांकर भारतीय प्रहरीको सहयोगमा खोज्ने काम भएको बताइएको छ ।
रक्सौलभन्दा २० किलोमिटर टाढा रहेको उक्त स्थानमा ड्राइभर र सहचालकलाई उतारेर ट्यांकर लुटिएको स्थानीय ट्यांकर व्यवसायीले बताएका छन् ।
२० किलोलिटर क्षमता भएको उक्त ट्यांकरको नम्बर ना ४ ख ३१५२ नम्बरको रहेको छ । यसैबीच ट्यांकर लुटिएसँगै विगरन्ज वितरक केन्द्रमा पुगेर चालकहरुले सुरक्षाको माग गरेका छन् ।
