मोगादिसु, असार १ । सोमालियाको राजधानी मोगादिसुमा बिहीबार बिहान एक रेस्टुरेन्टमा सबाब आतंककारी समूहले गरेको आत्मघाती कारबम आक्रमणमा कम्तीमा १८ व्यक्ति मारिएका सोमालियाको सरकारका प्रवक्ताले जानकारी दिएका छन् ।
आक्रमणमा संलग्न बन्दुकधारीहरु पनि उक्त सुरक्षा कारबाहीकोक्रममा मारिएका सोमालियाको सुरक्षा मन्त्रलयका प्रवक्ता मोहमद अहमद अरबले बताएका छन् ।
एकाबिहानै भएको सो आक्रमणबाट १८ जना निर्दोष सर्वसाधारण मारिनुको साथै अन्य १० भन्दा बढी घाइते भएका अरबले जानकारी दिएका छन् ।
स्थानीय समयानुसार बुधबार साँझ ८ बजेबाट रेस्टुरेन्ट, क्लबमा कारबम आक्रमण भएको र त्यसपछि नजिकै रहेको पिज्जा हाउस रेस्टुरेन्टमा बन्दुकधारीले आक्रमण गरेको बताइएको छ ।
रमाजानको ब्रतपछि खाना खानको लागि जम्मा भएको जनसमुदायमाथि आक्रमण भएको बताइएको छ । रासस/एएफपी
