पोखरा, ४ बैशाख २०८३ ।
तनहुँकाे बिमलनगरमा ट्रकले ठक्कर दिंदा एक पैदलयात्रीको निधन भएको छ।
दमौलीबाट आँबुखैरेनी तर्फ जादै गरेको प्र३-०१-००३क ४८९८ न. को ग्यास सिलिण्डर बोकेको ट्रकले बन्दिपुर गाउँपालिका वडा नम्बर ४ बिमलनगर स्थित पृथ्बीराजमार्गमा बिहिबार राती ठक्कर दिंदा एक जना पैदलयात्रीको निधन भएको हो।
उक्त ट्रकले ठक्कर दिंदा गम्भीर घाइते भएका पैदलयात्री गोरखाको पालुङटार नगरपालिका वडा नम्बर ६ बस्ने अन्दाजी ६१ वर्षीय खुदबहादुर थापाको उपचारको क्रममा लक्ष्मीसिटी अस्पताल डुम्रेमा निधन भएको प्रहरीले जानकारी दिएको छ।
उक्त घटना पश्चात उक्त ट्रकका चालक चितवनको राप्ती नगरपालिका वडा नम्बर ६ बस्ने बर्ष ४० को दिनेश चाैधरीलाई नियन्त्रणमा लिईएकाे प्रहरीले जनाएकाे छ ।
