प्रहरीले २७ हजार नेपाली नक्कली नोटसहित धनुषाबाट दुई जनालाई पक्राउ गरेको छ । चोराकोयलपुर–७ बस्ने ३२ वर्षीय शिवशरण यादव र ४५ वर्षीय विमलकिशोर यादवलाई २७ हजार नक्कली नेपाली नोटसहित प्रहरीले मंगलबार पक्राउ गरेको हो ।
चारनाथ नगरपालिका–३ स्थितमा ईलाका प्रहरी कार्यालय ढल्केबरबाट खटिएको प्रहरी टोलीले चेकजाँच गर्दा शिवशरण यादवको साथबाट १ हजार दरका १३ वटा र विमलकिशोर यादवको साथबाट १ हजार दरका १४ वटा गरी २७ हजार नक्कली नेपाली नोट बरामद भएको प्रहरीद्वारा जारी विज्ञप्तिमा उल्लेख छ ।
