पाेखरामा ५ सहित शुक्रबार बिहान गण्डकीमा २४ जनामा काेराेना संक्रमण पुष्टि भएकाे छ । यो संगै गण्डकी प्रदेशमा कोरोना संक्रमितको संख्या तीन सय ४८ पुगेको छ |
शुक्रबार बिहान थपिएका संक्रमण देखिनेमा नवलपुरको विनयी त्रिवेणी गाउँपालिकाका २, बागलुङको गलकोट नगरपालिकाका ८, काठखोला गाउँपालिकाका ६, कास्कीको पोखरा महानगरपालिकाका ५ र रुपा गाउँपालिकाका १ तथा स्याङ्जाको कालीगण्डकी गाउँपालिकाका १ जना छन् । स्याङ्जाका अर्का संक्रमितको भने ठेगाना खुलेको छैन ।
आज थपिने संक्रमितमा २० पुरुष र ४ महिला रहेको स्वास्थ्य निर्देशक विनोदविन्दु शर्माले जानकारी दिए ।
थपिएका सबैजना भारतबाट फर्किएको र सबैजना सम्बन्धित पालिकाको क्वारेन्टाइनमा छन् । सबैलाई सम्बन्धित जिल्लाहरुमा रहेका आइसोलेसन कक्षमा लैजाने तयारी भैरहेको छ ।
शुक्रबार बिहानसम्म प्रदेशभर २२ जना निकाे भएर घर फर्केका छन् भने १ जनाकाे मृत्यु भएकाे छ । स्याड्जा आधिखाेलाका १ युवा क्वारेन्टाइनबाट भागेकाेमा बिहीबार मात्र काेराेना पुष्टि भएकाे छ । उनी अझै सम्पर्कमा आएका छैनन् ।
गण्डकी प्रदेशमा हाल २ वटा पिसिआर मेसिनबाट परीक्षण भइरहेको छ । यहाँको सरकार अर्को एक मेसिन किन्ने तयारीमा छ । पिसिआर संकलन गरेको १ सातासम्म पनि रिपोर्ट नआएपछि क्वारेन्टाइनमा बसेकाहरु अत्तालिन थालेपछि गण्डकीमा परीक्षणलाई तीब्रता दिएको बताए पनि नतिजा आउन ढिलाइ भइरहेको छ ।
ल्याबमा कर्मचारी अभाव भएपछि जिल्लाहरुबाट बोलाएर छोटो अवधिको तालिम दिएर काममा लगाइएको मुख्यमन्त्री पृथ्वी सुब्बा गुरुङले बताएका छन् ।
