गजल
*****************
नदिमा घन छिनोले ढुंङ्गा फोर्नेहरु के गर्दै होलान,
दिनभर कमाएर हातमुख जोर्नेहरु के गर्दै होलान
पिज्जा खाएर बियरले चुठनेहरुको कुरा छोडनुस
नुनको ढिको दलेर मकै – कोपर्नेहरु के गर्दै होलान
बरिष्ठहरु ल्यापटपमा नोबल पढदैछन सायद
सुकुम्बासीमा गएर कविता कोर्नेहरु के गर्दै होलान
माक्स र सुइ किन्ने ठेक्का अर्कै ठेकदारले पायो
भुकम्पको बेला त्रिपाल चोर्नेहरु के गर्दै होलान ?
पुँजीवादको घमण्डले घर नै कारागार बन्यो आज
जनयुद्धकालमा जेल तोडनेहरु के गर्दै होलान ?!
बि पि बिद्रोही २०७६/१२/१५
