पोखराम ८ बैशाख २०८३।
मुलुककै प्रमुख प्रशासनिक निकायहरु रहेको सिंहदरबार परिसरभित्रै प्रवेश गरेर प्रधानमन्त्री बालेन शाहविरुद्ध नाराबाजी गर्ने नेपाल बिद्यार्थी संघका छजना नेता-कार्यकर्ता पक्राउ परेका छन्।
सरकारले विश्वविद्यालयमा विद्यार्थी संगठनका गतिविधि बन्द गर्न लागेको, पेट्रोलियम पदार्थ लगायतको मूल्यवृद्धि गरेको तथा विवादमा तानिएका गृहमन्त्री सुधन गुरुङको राजीनामा माग गर्दै आन्दोलित नेविसंघका छ जना नेता – कार्यकर्ता सिंहदरबार परिसरभित्रैबाट पक्राउ परेका हुन्।
बिरोध प्रदर्शन गर्ने क्रमममा नेविसंघका केन्द्रीय सदस्य भुवन भट्ट,सीटीईभीटी अध्यक्ष कुम्मरोज देउवा तथा विद्यार्थी नेताहरू नवीन विष्ट, आकाश देवकोटा, सुशील ऐडी र विसाल बिसीलाई पक्राउ गरेको नेविसंघले जनाएको छ ।
उनीहरूलाई सिंहदरबार वृतमा राखिएको जिल्ला प्रहरी परिसर काठमाडौँका प्रवक्ता एसपी पवनकुमार भट्टराईले जानकारी दिए।
सेयर कारोबारमा विवादित व्यापारीसँगको पार्टनरसिप देखिएको भन्दै केही दिनदेखि गृहमन्त्री गुरुङको आलोचना भइरहेको छ ।
