पोखरा, ९ चैत २०८२।
रामेछापमा यात्रुवाहक सुमो दुर्घटना हुँदा चालकसहित कुल ६ जना घाइते भएका छन् ।
खाँडादेवी–७ टिमुबाट यात्रु लिएर काठमाडौँतर्फ जाँदै गरेको बा.प्र. ०८–००१ ज ०२२४ नम्बरको सुमो खाँडादेवी गाउँपालिका–६ माकादुममा सोमबार बिहान दुर्घटनाग्रस्त हुँदा चालकसहित कुल ६ जना घाइते भएका हुन् ।
उक्त जिप दुर्घटनामा परेर गम्भीर घाइते भएका अन्दाजी ६० वर्षीया ठुली तामाङ, अन्दाजी ४५ वर्षीया रिता तामाङ र अन्दाजी ४८ वर्षीया सुनमाया तामाङलाई थप उपचारका लागि काठमाडौँ पठाइएको प्रहरीले जानकारी दिएको छ ।
अन्दाजी २५ वर्षीय चालक किशोर कार्कीलाई प्रहरीले नियन्त्रणमा लिई घटनाबारे अनुसन्धान सुरु गरेको जनाएको छ । दुर्घटनाको कारणबारे थप विवरण आउन बाँकी रहेको प्रहरीले जनाएको छ ।
