पोखरा , ५ चैत २०८२।
बलिउड अभिनेत्री तथा मोडल सन्नी लियोन नेपाल आएकी छन् । गत मंगलबार काठमाडौँ ओर्लिएकी उनी आज नगरकोट पुगेकी छन् ।
यसअघि सन्नी नेपाल आउँदा राम्रै चर्चा हुने गरेको थियो । यसपटक भने उनी श्रीमान डेनियल वेभरसँग गुपचुपमा काठमाडौँ आएकी हुन् ।
नगरकोट घुमिरहेको तस्विर सामाजिक सञ्जालमा हालेपछि उनी नेपालमा रहेको खुलेको हो । बलिउडमा ‘आइटम गर्ल’को छवि बनाएकी सन्नी दुई महिनाअघि पनि एक क्यासिनो उद्धघाटनमा सहभागी हुन काठमाडौँ आएकी थिइन् ।
उनले बुधबार पति सहित नगरकोटको भ्यु टावर घुमेकी छन् । त्यहाँ घुमेको र दृश्यावलोकन गरेको तस्बिर तथा भिडियो सन्नी र डेनियलले सामाजिक सञ्जालमार्फत सेयर गरेका छन् ।
लियोनी र डेनियल यसअघि पनि पटक पटक नेपाल घुम्न आएका थिए । सन्नीले केही वर्ष पहिले प्रदर्शनमा आएको नेपाली फिल्म ‘पासवार्ड’ मा समेत नृत्य गरेकी थिइन् ।
