तनहुँ, २७ साउन २०८२।
जिल्ला प्रहरी कार्यालय तनहुँमा नयाँ कार्यालय प्रमुखका रुपमा एसपी टेकबहादुर कार्की सरुवा भएर आउने भएका छन्। प्रहरी महानिरीक्षक दीपक थापाले मंगलबार गरेको नौ जना प्रहरी उपरिक्षक (एसपी)को सरुवा मा कार्की तनहुँको जिल्ला प्रहरी प्रमुखको रुपमा सरुवा भएर आउने भएका हुन्। उनी नेपाल प्रहरी प्रदेश कार्यालय पोखराबाट आउन लागेका हुन्।
हाल जिल्ला प्रहरी कार्यालय तनहुँमा प्रमुख रहेका एसपी बीरेन्द्र बहादुर शाहीको साइबर ब्युरो अपराध अन्वेषण शाखा काठमाण्डौमा सरुवा भएका छन्। यसैगरी जिल्ला प्रहरी कार्यालय धादिङमा भेषराज रिजाललाई सरुवा गरिएको छ भने उदयपुरमा राजन चापागाई र बर्दियामा सरोज पौडेल सरुवा भएका छन्।
