पोखरा २२ साउन २०८२।
जिल्ला प्रहरी कार्यालय बाजुरामा कार्यरत कार्यालय सहयोगी नर बहादुर रावलको उपचारका क्रममा काठमाडौंमा मृत्यु भएको छ । रावलको मंगलबार दिउँसो काठमाडौंको महाराजगन्जस्थित केन्द्रीय प्रहरी अस्पतालमा उपचारका क्रममा मृत्यु भएको आफन्त नरेन्द्र रावलले बताएका छन् ।
विगत एक महिनादेखि पेटमा पानी जम्ने समस्या देखिएपछि उपचारमा लागि काठमाडौंमा रहेका थिए । बडीमालिका नगरपालिका-८ निवासी ३९ वर्षीया रावल जिल्ला प्रहरी कार्यालय बाजुरामा कार्यरत थिए ।
मृतक रावलको शव पोष्टमार्टमका लागि टिचिङ अस्पतालमा राखिएको छ । पारिवारिक श्रोतका अनुसार रावलको पोष्टमार्टमपछि पशुपति आर्यघाटमा अन्तिम दाहसंस्कार गरिने बुझिएको छ ।
