विमान दुर्घटनापछि पार्टी गरेको पाइएपछि एयर इन्डियाका ४ कर्मचारी बर्खास्त (भिडिओ)

विमान दुर्घटनापछि पार्टी गरेको पाइएपछि एयर इन्डियाका ४ कर्मचारी बर्खास्त (भिडिओ)


  • जनसञ्चार डट कम समाचारदाता
  • आइतबार, १५ असार २०८२
  • 12.8K
    Shares

पोखरा १५ असार २०८२।


एयर इन्डियाले आफ्नो ग्राउन्ड ह्यान्डलिङ भेन्चर एआईएसएटीएका चार कर्मचारीलाई पदबाट बर्खास्त गरेको छ।

भारतको अहमदाबादमा एयर इन्डियाको विमान दुर्घटना भएको आठ दिनपछि उनीहरूले पार्टी मनाएको भिडिओ सामाजिक सञ्जालमा भाइरल भए पछि एयर इन्डियाले आफ्नो ग्राउन्ड ह्यान्डलिङ भेन्चर एआईएसएटीएका चार कर्मचारीलाई पदबाट बर्खास्त गरेको हो ।

यही जुन १२ तारिख दिउँसो एयर इन्डियाको विमान एआई १७१ भारतको अहमदाबादस्थित विमानस्थलबाट लन्डनका लागि उड्नासाथ मेडिकल होस्टेल भवनमा ठोकिँदै दुर्घटना भएको थियो। जसमा परी विमानमा रहेका २४१ जना र जमिनका पनि २९ जनाको निधन भएको थियो।

भारतीय सञ्चारमाध्यमका अनुसार त्यसको आठ दिनपछि जुन २० तारिखका दिन एयर इन्डियाका ती कर्मचारीले गुरुग्रामस्थित कार्यालयमा पार्टी गरेको भिडिओ भेटिएको हो।

भिडिओ सामाजिक सञ्जालमा भाइरल भएपछि मानिसहरूले त्यत्रो दु:खद् घटनाका बेला पनि यी कर्मचारीहरूले कसरी रमाइलो गर्न सकेका भनेर प्रश्न उठाएपछि एयर इन्डियाले कारबाही गरेको हो।

प्रतिक्रिया
सम्बन्धित समाचार

Notice: Function WP_Scripts::add was called incorrectly. The script with the handle "mediaelement" was enqueued with dependencies that are not registered: jquery. Please see Debugging in WordPress for more information. (This message was added in version 6.9.1.) in /home/janasanc/public_html/wp-includes/functions.php on line 6260