आश तमु पोखरा । बुधबार पोखरामा लागूऔषधसहित १ युवा पक्राउ परेका छन् ।
अन्नपूर्ण गाउँपालिका १० घान्द्रुक घर भई पोखरा १० रामबजार बस्दै आएका २० वर्षे प्रकाश विक पक्राउ परेका हुन् ।
इलाका प्रहरी कार्यालय, बगरबाट खटिएको टोलीले उनलाई राति साढे १ बजे नदिपुरबाट पक्राउ गरेको हो ।
उनको साथबाट ६ सय ५० ग्राम गाँजा फेला परेको थियो । उनलाई प्रहरीले निलो प्लास्टिकमा गाँजा हालेर बाटोमा हिँडिरहेको अवस्थामा पक्राउ गरिएको जिल्ला प्रहरी कार्यालय कास्कीका प्रवक्ता डिएसपी सुवास हमालले बताए ।
उनीमाथि लागू औषध नियन्त्रण ऐन, २०३३ विपरीतको कसूर अन्तर्गत १८ दिन म्याद थप गरी थप अनुसन्धान भइरहेको डिएसपी हमालले जानकारी दिए ।
