उकालो हिलोमाटोमा फसेको गण्डकी प्रदेशका भौतिक पुर्वाधार बिकास मन्त्री रामशरण बस्नेतको गाडीको फोटो खिच्ने एक सर्वसाधारणलाई सुरक्षाकर्मीले दुर्ब्यबहार गरेका छन्।
गोर्खा सदरमुकाम तर्फ आउदै गरेको मन्त्री बस्नेतको बा.२ झ ३०४१ नम्बरको स्कोरपियो गोरखा नगरपालिका ३ को नारेश्वर भोगटेनीको उकालोमा हिलोमाटोमा फसेको थियो ।
बाटोमा झण्डावाल गाडी फसेको देखेर भिडियो तथा फोटो खिचिरहेका गोरखा नगरपालिका ३ आँपचौर निवासी सोम श्रेष्ठलाई गाडी रोकेर सुरक्षाकर्मीले धम्क्याउदै तत्कालै भिडियो र तस्बिर डिलिट गर्न लगाएको बताइएको छ।
तत्कालै भिडियो र तस्बिर डिलिट नगरेको खण्डमा राम्रो नहुने आफुलाई धम्की दिए पछि आफुले क्यामराबाट फोटो तथा भिडियो हटाउन बाध्य भएको पिडित सोम श्रेष्ठले गुनासो गरेका छन् ।
यता त्यस सम्बन्धमा प्रदेश मन्त्री बस्नेतका तर्फबाट यास बारेमा आधिकारिक जानकारी आएको छैन र उनीसंग प्रतिक्रिया लिने प्रयास विफल भएको छ।
