नेपालगन्ज, १४ पुस ।
जापानले अनुदानमा दिएको चालम बाँकेको नेपालगञ्जस्थित नेपाल खाद्य संस्थान अञ्चल कार्यालय भेरीको गोदाममा थन्किएको छ ।
ढुवानीको क्रममा सावधानी नअपनाउँदा चामल खान मिल्ने अवस्थाको नरहेको अञ्चल कार्यालयका प्रमुख मोतीराज ज्ञवालीले जानकारी दिए ।
अञ्चल कार्यालयको गोदाममा जापानी अनुदानको १० हजार ६ सय ६० बोरा चामल भण्डारण गरिएको छ । हरेक बोरामा ३० किलो चालम छ । केन्द्रबाट यो चामल के गर्ने भन्ने विषयमा निर्णय नगरिदिँदा समस्या भएको कार्यलय प्रमुख ज्ञवालीले बताए ।
अहिले नेपालगञ्जमा संस्थानले धान खरिद गरिरहेको छ । किसानबाट किनेको धान राख्ने ठाउँ छैन । तर संस्थानको गोदाममा प्रयोग गर्न नमिल्ने ठूलो परिमाणको चामल भण्डारण गरिएको छ ।
