गैरआवासीय नेपाली संघ (एनआरएनए) पोर्चुगलका वरिष्ठ उपाध्यक्ष भिमसेन थापाले त्यहाँस्थित एक सकृय पत्रकार सबिन धिताललाई कुटपिट गरेका छन् ।
लिस्बोनको काईसोद्रेका आयोजित एक कन्सर्टको रिपोटिगं गर्न पुगेका पत्रकार सविन घिताललाई थापाले आइतवार साँझ कुटपिट गरेका हुन् । थापाको कुटाईबाट घाइते भएका घितालले स्थानिय अस्पतालमा उपचार गराएका थिए । आक्रमणकारीले धिताललाई समाचार लेखे दुवै हात काटिदिने र जिन्दगी बर्बाद गरिदिने बरु जेल गएर बस्ने धम्कि समेत दिएका छन् ।
धिताल भोइस अफ नेपाल टिभी र पोर्चुगलमा रहेका पत्रकारहरुको संस्था नेप्लिज जर्नालिष्ट क्लबमा आबद्ध छन् । पिडित पत्रकार धितालले प्रहरी समक्ष उजुरी दिएका छन् ।
धितालले पछिल्लो केहि महिनादेखि पोर्चुगलमा कृषि कामदारहरुको पिडा र मानव तस्करीको बारेमा भोइस अफ नेपालमा लगातार फलोअप समाचार प्रकाशन गर्दै आएका थिए ।
