ललिता निवासको जग्गा हिनामिना प्रकरणमा मुछिएका शोभाकान्त ढकालको काठमाण्डौको नागार्जुन नगरपालिका वडा नम्बर १ को नर्सरी चोकस्थित घरमा बुधबार साँझ बम विस्फोट भएको छ । कामनपा १६ सानो भर्याङस्थित ढकालको घरमा साँझ बम विस्फोट भएको प्रहरीले जनाएको छ । विष्फोटबाट कुनै मानवीय क्षति भने नभएको प्रहरीले जनाएको छ ।
विष्फोटका कारण पार्किगमा राखिएको बा ५ च ९५५९ नम्बरको गाडीमा क्षति पुग्नुका साथै घरको झ्यालका सिसाहरु फुटेको जनाईएको छ ।
प्रतिबन्धित विप्लव नेतृत्वको नेकपाले गराएको प्रहरीले आशंका गरेको छ । प्रेसर कुकर बम विस्फोट भएको प्रहरीको प्रारम्भीक निष्कर्ष छ ।
यसैबीच विष्फोटको जिम्मा विप्लव नेतृत्वको नेपाल कम्युनिष्ट पार्टीले लिएको छ । पर्चामा बालुवाटारको सरकारी जग्गा व्यक्तिको नाममा दर्ता गर्ने र बेच्ने योजनाको मुख्य योजनाकार भएकाले ढकालको घरमा सेवोटेज गरिएको नेपाल कम्युनिष्ट पार्टीले जनाएको छ ।
