जनप्रतिनिधिको मिलेमतोमा कानुनबिपरित लमजुङमा एक भारतीय नागरिकलाई नेपाली नागरिकता दिइएको खुलासा भएको छ।
जनप्रतिनिधिको मिलेमतोमा झुठ्ठो विवरण पेश गरेर लमजुङ जिल्लाको मर्स्याङ्दी गाउँपालिका वडा नं.९ स्थायी ठेगाना भएका सुगरे दमाई र सुशिला दमाईलाई नक्कली बाबु–आमा बनाई भारतीय नागरिकले अशोक दमाईले नेपाली नागरिकता लिएका हुन्। गैर-नेपाली नागरिकलाई नेपाली नागरिकता दिन नपाउने कानूनमा स्पष्ट उल्लेख गरिएको छ ।
वडा अध्यक्ष नारायण बहादुर थापा समेतको सिफारिशमा जिल्ला प्रशासन कार्यालय लमजुङले वि.सं. २०७६ साल कात्तिक ३ गते ४५०१७६०२९६६ नम्बरको नागरिकता जारी गरेको थियो ।
भारतीय नागरिकले नेपाली नागरिकता लिएको कुरालाई वडा अध्यक्ष नारायण बहादुर थापाले समेत स्वीकार गरेका छन् । मर्स्याङ्दी गाउँपालिका वडा नं.९का वडा अध्यक्ष नारायण बहादुर थापाले आफूलाई थाहा नभएकाले नागरिकताको सिफारिस बनाइदिएको स्वीकार गरिसकेको अवस्थामा निजको नाममा जारी नागरिकता खारेजीको प्रक्रिया अघि बढेको जनाएको छ ।
नेपाली नागरिकता लिन झुठ्ठो विवरण पेश गर्ने, सिफारिश दिने र त्यही आधारमा नागरिकता जारी गर्नेसम्मलाई कानूनी कारवाही गर्ने कानुनी ब्यबस्था छ। तर जिल्ला प्रशासन कार्यालय लमजुङले यस्तार्फा नदिएको अवस्थामा स्थानिय प्रशासन पनि शंकाको घेरामा रहेको बताइएको छ।
