महानगरीय प्रहरी अपराध महाशाखा काठमाडौंको टोलीले काठमाडौंको चुनिखेल, कपनबाट नेपाली सेनाको भगौडालाई पेस्तोलसहित पक्राउ गरेको छ ।
महाशाखा प्रमुख एसएसपी सहकुल थापाका अनुसार मन्थली नगरपालिका-१३, रामेछाप घर भइ हाल कपनमा बसोबास गर्ने ३५ वर्षीय रोशन बर्देवा मंगलबार साँझ पेस्तोलसहित पक्राउ परेका हुन् ।
गुण्डागर्दी गरेको आरोपमा अनुसन्धानका लागि पक्राउ गरिएका उनको साथबाट कटुवा पेस्तोल बरामद भएको छ । उनले हतियार कहाँबाट र किन ल्याएका थिए प्रहरीले सेनाबाट उनी कहिले भागेको लगायतका विषयमा थप अनुसन्धान भैरहेको प्रहरीलेजानकारी दिएको छ।
