काठमाडौंको चावहिलस्थित पशुपति क्याम्पसको बीबीएस चौथो वर्षमा अध्ययन गर्ने विद्यार्थी सृष्टि पन्तलाई आज बिहान गाडीले ठक्कर दिएर गम्भीर घाइते बनाएपछी अहिले चाबहिल क्षेत्र तनावग्रस्त बनेको छ ।
पन्तलाई सुकेधारामा बा ७ ख ५९३० नम्बरको बसले ठक्कर दिएर भागेपछि आक्रोशित विद्यार्थीहरुले अन्य गाडीमा तोडफोड र आगजनी गरेका थिए भने चावहिल क्षेत्रमा यातायात अवरुद्ध गरे ।
विद्यार्थीहरुले बा ४ ख ७१०१ नम्बरको बसमा आगजनी गरेका थिए भने बा ३ ख ४४३३ नम्बरको बसका सिसा तोडफोड गरिदिएका छन् ।
अहिले पनि अवस्था भने तनावग्रस्त छ । प्रहरीले पशुपति क्याम्पस वरपर ठुलाे सँख्यामा प्रहरी परिचालन गरेकाे छ । प्रहरी र विद्यार्थीबीच केहीबेर झडप समेत भएकाे थियाे । र, साे क्रममा केही विद्यार्थी घाइते भएकाे पशुपति क्याम्पसका विद्यार्थी नेता करूणासागर सिग्देलले जानकारी दिए । विद्यार्थीलाई ठक्कर दिने गाडी र चालकलाई प्रहरीले नियन्त्रणमा लिएको छ ।
