वलात्कार आरोप लागेपछि विराटनगरको विराट नर्सिङहोमको आईसियुमा भर्ना भएका सिद्धबाबा भनिने कृष्णबहादुर गिरीलाई आज बिहानै सोही नर्सिङहोमको आईसियुबाटै पक्राउ गरेको छ। उनलाई एम्बुलेन्समा हालेर अहिले जिल्ला प्रहरी कार्यालय, सुनसरी पुर्याइएको छ ।
बलात्कार आरोप लागेका गिरी हृदयघात भएको भन्दै आइतबारदेखि विराट नर्सिङ होममा भर्ना भएका थिए । उनलाई सामान्य खालको हृदयघात भएको र हाल स्वास्थ्य सुधारोन्मुख भएको विराट अस्पतालका चिकित्सक ज्ञानेन्द्र गिरीले जानकारी दिए।
गत कात्तिक ४ गते बलात्कार गरेको भन्दै एक महिला अनुयायीले प्रहरीमा उजुरी दिएकी थिइन् ।
