नेपाल सरकारले भ्रष्टाचारको आरोपमा अख्तियार दुरुपयोग अनुसन्धान आयोगको छानबिनमा परेका सहसचिब चूडामणि शर्मालाई सहसचिवहरुमध्ये सबैभन्दा वरिष्ठ घोषणा गरेको छ ।
नेपाल सरकार, संघीय मामिला तथा स्थानीय विकास मन्त्रालयले आज सार्वजनिक गरेको सहसचिवहरुको जेष्ठताको वरियता क्रममा मन्त्रालयले चूडामणि शर्मालाई पहिलो नम्बरमा राखेको छ ।
शर्मा भ्रष्टाचारको आरोपमा अख्तियार दुरुपयोग अनुसन्धान आयोगको छानबिनमा परेका व्यक्ति हुन् । शर्माले कर फर्छ्योट आयोगमार्फत भ्रष्टाचार गरेको भन्दै विशेष अदालतमा मुद्दासमेत दायर भएको छ। अख्तियारले छानबिन गरेका शर्मा अतिरिक्त समूहमा छन् ।
यस्तै दोस्रो वरियतामा रामप्रसाद थपलिया, तेस्रोमा वीरेन्द्र कुमार यादव रहेका छन् । यस्तै अन्तिम वरियतामा गोगन बहादुर हमाल रहेको छन् ।
२२५ औं नम्बरमा सामाजिक विकास मन्त्रालय धनगढीमा कार्यरत जुम्लाका गोगनबहादुर हमाल छन् । २२५ औं नम्बरमा सामाजिक विकास मन्त्रालय धनगढीमा कार्यरत जुम्लाका गोगनबहादुर हमाल छन् ।
सरकारले कर्मचारीहरुको समायोजनको मुख्य आधार जेष्ठतालाई मानेको दाबी गरेको छ । संघीय मामिला तथा सामान्य प्रशासन मन्त्रालयका सहसचिव सुरेश अधिकारीले सुरुमा सहसचिवस्तरका कर्मचारीहरुको सूची सार्वजनिक गरिएको र अन्य पदका कर्मचारीहरुको पनि क्रमशः सूची सार्वजनिक गर्दै जाने बताए ।
