काठमाडौं ।०७३ सालमा निस्किएका कृतिहरुमध्येबाट पुरस्कारको दाबी गर्ने उत्कृष्ट पुस्तकहरुको सूची मदन पुरस्कार गुठीले सार्वजनिक गरेको छ ।
पुरस्कारका निम्ति प्राप्त भएका १ सय ९५ पुस्तकहरुमध्येबाट श्रेष्ठ सूची छनोट गरिएको गुठीले जनाएको छ ।
गुठीका अनुसार, गठन गरिएको समितिको रोजाइमा नौ पुस्तक छनोट गरिएको र यिनैमध्येबाट सर्वश्रेष्ठ एक पुस्तकलाई ०७३ सालको मदन पुरस्कार दिइनेछ ।
गत वर्ष ७ पुस्तकको श्रेष्ठ-सूची निकालेको गुठीले यसपाली नौ पुस्तकको नाम छनोट गरेको छ । विगत वर्षमा एकैचोटि विजेताको नाम सार्वजनिक गर्ने गरेको गुठीले ०७२ सालबाट श्रेष्ठ सूची सार्वजनिक गर्ने चलन सुरु गरेको हो ।
यसपाली श्रेष्ठ-सूचीमा परेका र मदन पुरस्कारको दौडमा रहेका नौ कृति यस प्रकार छन्:
१) गुहा, गुहालेख, गुहाचित्र एवं अन्य सम्पदा – पुरूषोत्तमलोचन श्रेष्ठ
२) छाउघर – राज सरगम
३) तपन – शरद पौडेल
४) दोहाको सीधा उडान – जय छाङ्छा
५) धृतराष्ट्र – घनश्याम कँडेल
६) प्रतिनायक – हरि अधिकारी
७) म स्त्री अर्थात् आइमाई – सीमा आभास
८) शुक्रराज शास्त्रीको चस्मा – राजेन्द्र पराजुली
९) सगरमाथाको गहिराइ – नवराज पराजुली
- मदन पुरस्कार गुठीको विज्ञप्ति:
