पोखराका दुई युवक स्याङ्जामा नियन्त्रित लागूऔषधसहित पक्राउ

पोखराका दुई युवक स्याङ्जामा नियन्त्रित लागूऔषधसहित पक्राउ


  • जनसञ्चार डट कम समाचारदाता
  • शुक्रबार, १ साउन २०८३
  • 4.7K
    Shares

पोखरा , १ साउन २०८३।

पोखराका दुई जना युवा स्याङ्जामा नियन्त्रित लागूऔषधसहित पक्राउ परेका छन्।

पक्राउ पर्नेमा पोखरा महानगरपालिका–१८ का ३५ वर्षीय पुण्यप्रसाद आचार्य र पोखरा महानगरपालिका–५ का २९ वर्षीय सुरज प्याकुरेल रहेका छन्।

जिल्ला प्रहरी कार्यालय स्याङ्जाका अनुसार उनीहरूको साथबाट बुप्रेनोर्फिन ३१ एम्पुल, डाईजेपाम २९ एम्पुल र फेनारगन ३० एम्पुल बरामद गरिएको छ।

अस्थायी प्रहरी चौकी राम्दीबाट खटिएको प्रहरी टोलीले बुटवलबाट गल्याङतर्फ आउँदै गरेको ग.२ ख १९५२ नम्बरको बस स्याङ्जाको गल्याङ नगरपालिका–१ राम्दी क्षेत्रमा जाँच गर्ने क्रममा उनीहरूलाई लागूऔषधसहित पक्राउ गरिएको प्रहरीले जानकारी दिएको छ।

घटनाबारे थप अनुसन्धान भइरहेको जिल्ला प्रहरी कार्यालय स्याङ्जाले जनाएको छ।

प्रतिक्रिया
सम्बन्धित समाचार