पोखरा, ३२ असार २०८३।
पोखराबाट अबैध हतियारसहित दुई जना पक्राउ परेका छन्।
वडा प्रहरी कार्यालय रामबजारबाट गएको प्रहरी टोलीले पोखरा महानगरपालिका वडा नम्बर १४, मझेरीपाटनबाट अबैध हतियार भरुवा बन्दुक र एक थान धारिलो हतियार तरवारसहित स्थानीय दुई जना युवालाई पक्राउ गरेको हो।
पक्राउ पर्नेहरुमा पोखरा १४, मझेरीपाटनका ३० वर्षीय साजन बिक र सञ्जय नेपाली रहेका जिल्ला प्रहरी कार्यालय कास्कीका सुचना अधिकारी डिएसपी हुन् ।
वडा प्रहरी कार्यालय रामबजारबाट गएको प्रहरी टोलीले खानतलासी गर्दा भरुवा बन्दुक भेटिएपछि विक र नेपालीलाई पक्राउ गरिएको कास्कीका प्रहरी प्रवक्ता प्रहरी नायव उपरीक्षक वीरेन्द्रकुमार पासवानले जानकारी दिए ।
साजन बिकको घर खानतलाशी गर्ने क्रममा फेला परेको भरुवा बन्दुकको स्थानीय प्रशासनबाट हतियार राख्न पाउने अनुमति नभएको देखिएको प्रहरीको जिकिर छ।
पक्राउ परेकालाई कास्की जिल्ला अदालतबाट हातहतियार तथा खरखजनासम्बन्धी कसूरमा ६ दिन म्याद थप गरी अनुसन्धान भइरहेको उनले जानकारी दिए ।
