पोखरा, ५ असार २०८३।
पोखरामा सासुमाथि धारिलो हतियार चक्कु हान्ने ज्वाईंबिरुद्ध ज्यान मार्ने उद्योग मुद्दा दर्ता भएको छ।
पोखरा महानगरपालिका–१७ राममन्दिर नजिक मंगलबार अपराह्न करिब ४:११ बजे आफ्नै सासु ४७ वर्षीया मुना तिवारीमाथि चक्कु हानेर घाइते बनाए लगत्तै पक्राउ परेका ज्वाईं लमजुङको मध्यनेपाल नगरपालिका–२ निवासी ४३ वर्षीय ध्रुवराज अधिकारीबिरुद्ध कास्की जिल्ला अदालतमा ज्यान मार्ने उद्योग कसुर अन्तरगत मुद्दा दर्ता भएको हो ।
सासूलाई चक्कु हानेर घाइते बनाएका अधिकारीलाई स्थानीय बासिन्दाले तत्काल समातेर वडा प्रहरी कार्यालय बैदाम पोखराले बुझाएका थिए। जिल्ला प्रहरी कार्यलय कास्कीले जिल्ला सरकारी वकिलको कार्यालय कास्कीमर्फत बिहिबार कास्की जिल्ला अदालतमा ज्यान मार्ने उद्योग कसुर अन्तरगत मुद्दा दर्ता गराएर पाँच दिनको म्याद थप अनुमति लिई थप अनुसन्धान अघि बढाइएको प्रहरीले जानकारी दिएको छ।
अभियुक्त अधिकारीले चक्कु हानेर घाइते बनाइएकी पोखरा महानगरपालिका–२८ माझठाना स्थायी घर भएकी मुना तिवारीको अहिले मणिपाल शिक्षण अस्पताल पोखरामा उपचार भैरहेको प्राप्त समाचारमा जनाइएको छ।
प्रहरीका अनुसार तिवारीको पेट, ढाड र छातीमा चोट लागेको छ। उनको स्वास्थ्य अवस्था मध्यम रहेको र उपचार जारी रहेको बताइएको छ।
