पोखरा, १९ जेठ २०८३।
राती आफ्नो घरकोठामा सुत्न गएकी एक युवती बिहान कालीगण्डकी नदी किनारमा मृत भेटिएकी छिन।
पाल्पाको रामपुर नगरपालिका वडा नम्बर -८ झेरुछाप बगनासी गाउँस्थित आफ्नो घरकोठामा सुत्न गएकी अस्मिता सारु आज कालीगण्डकी नदीको किनारमा मृत भेटिएकी हुन्।
उनी आज रामपुर नगरपालिका वडा नम्बर ८ खैरेनी सामुदायिक वन नजिक कालीगण्डकी नदी किनारमा मृत अवस्थामा भेटिएको स्थानीयले बताएका छन् ।
आइतबार राती घरमा नै सुतेकी उनी सोमबार बिहान नउठेपछि उठाउन जादा कोठामा नभएकी परिवारले जनाएको थियो । खोजीको क्रममा निर्दिम झोलुङ्गेपुलमा उनको मोबाइल फेला परेको थियो । प्रहरी, आफन्ती स्थानीयले खोजी गर्ने क्रममा डेढ किलोमिटर तल कालीगण्डकी नदीमा शब फेला परेको हो ।
