पोखरा, १७ जेठ २०८३।
चर्चित टिकटकर तुलसा अधिकारी भनेर चिनिने तुलसी अधिकारीलाई थाइल्यान्डबाट पक्राउ गरेर नेपाल ल्याइएको छ।
ललितपुर जिल्ला अदालतमा सम्पत्ति शुद्धिकरण, आपराधिक लाभ र ठगी मुद्दा रहेकी अधिकारीलाई नेपाल प्रहरीले अन्तर्राष्ट्रिय प्रहरी संगठन (इन्टरपोल)को सहयोगमा पक्राउ गरेर गएराती नेपाल ल्याएको हो । उनलाईथुनछेक प्रयोजनका लागि सोमबार अदालतमा उपस्थित गराइने जिल्ला प्रहरी परिसर ललितपुरका एसपी गौतम मिश्रले जानकारी दिए।
प्रहरीका अनुसार , उनीविरुद्ध २०८२ चैतमा ६ करोड ५२ लाख २९ हजार बिगो कायम गरेर सरकारी वकिल कार्यालयले मुद्दा दायर भएको थियो । अधिकारीविरुद्ध ललितपुरका एकजना व्यवसायीले जाहेरी दिएका थिए । मुद्दामा अधिकारी सहित १० जना प्रतिवादी छन् ।
तुल्सा कलेक्सन प्रालिकी सञ्चालिका अधिकारीले व्यवसायीलाई बलात्कार मुद्दामा फसाउँछु भनेर लगातार ‘ब्ल्याकमेलिङ’ गर्ने गरेको आरोप लगाएका छन् । ब्ल्याकमेलिङ गरेर अधिकारीले आफूसँग चार करोड ५० लाख बराबरको नगद र जिन्सी लिएको व्यवसायीले दाबी गरेका छन् ।
