पोखरा, २ जेठ २०८३।
काठमाडौँको सुन्धारास्थित केन्द्रीय कारागारबाट एक जना महिला कैदी भागेकी छिन्
उक्त कारागारको महिला ब्लकमा रहेकी नुवाकोटकी २५ वर्षीया सपना तामाङ कारागारबाट भागेकी हुन्। शुक्रबार बिहान साढे १ बजेतिर कम्पाउन्डको पर्खाल नाघेर उनी भागेको उपत्यका प्रहरी कार्यालयका प्रवक्ता (एसएसपी) प्रवीण धितालले जानकारी दिए।
कारागार कम्पाउन्डको झ्यालबाट चढेर उनले पर्खाल नाघेको केन्द्रीय कारागारका अधिकारीहरू बताउँछन् । त्यसबारे अनुसन्धान भइरहेको एसएसपी धितालले बताए ।
अदालतले शरीर बन्धक र ज्यान मार्ने उद्योग मुद्दामा कैद सजाय तोकिएकी तामाङ केन्द्रीय कारागारमा कैदी जीवन बिताई रहेकी थिइन्।
केन्द्रीय कारागारको सुरक्षा प्रमुखमा डीएसपी शैलेश न्यौपाने छन् । केन्द्रीय कारागारस्थित महिला बन्दी गृहमा २०८२ फागुन १ मा पनि झडप भएको थियो । महिला बन्दी गृहमा तीन सय जना भन्दा बढी महिला कैदी बन्दीलाई राखिएको छ ।
