पोखरा , ३१ बैशाख २०८३।
नुवाकोटको किम्ताङ हत्या प्रकरणमा प्रहरीले दुई जनालाई नियन्त्रणमा लिएको छ । पक्राउ पर्नेमा धनवहादुर तामाङ भनिने धने तामाङ र माईला भनिने सोमवहादुर तामाङ रहेको प्रहरीले जनाएको छ ।
उनीहरुलाई धादिङको खनियाँबास गाउँपालिका वडा नम्बर ५ भिरवन भन्ने स्थानबाट पक्राउ गरिएको जिल्ला प्रहरी कार्यालय नुवाकोटले जनाएको छ ।
प्रहरीले घटनासँग सम्बन्धित तीन थान भरुवा बन्दुससहित खुकुरी र मोटरसाईकल बरामद गरि थप अनुसन्धान अघि बढाएको छ ।
घटनाको सम्बन्धमा थप अनुसन्धान जारी रहेको जिल्ला प्रहरी कार्यालय नुवाकोटले जनाएको छ ।
