पोखरा , १४ बैशाख २०८३।
प्युठानमा चट्याङ लागेर दुई जनाको मृत्यु भएको छ भने अन्य दुई जना घाइते भएका छन् ।
प्युठानको गौमुखी गाउँपालिका–६, लिवाङमा चट्याङ लागेर दुई जनाको मृत्यु भएको हो ।
मृत्यु हुनेमा अन्दाजी ७० वर्षीय केदार बोहोरा क्षेत्री र २८ वर्षीय रामु बोहोरा क्षेत्री रहेका जिल्ला प्रहरी कार्यालय प्युठानका सूचना अधिकारी हरि भट्टराईले जानकारी दिए।
चट्याङका कारण अन्य दुई जना घाइते भएका र उनीहरुको अवस्था मध्यम रहेको प्राप्त समाचारमा जनाइएको छ।
