नेकपा क्रान्तिकारी माओवादीका अध्यक्ष मोहन वैद्यले क्रान्तिको बाटो लामो र कठिन रहेको भन्दै बन्दुक बोक्नका लागि तयार हुन कार्यकर्तालाई निर्देशन दिएका छन् । काठमाडौमा सुरु भएको राष्ट्रिय भेलाको उदघाटन गर्दै उनले राष्ट्रिय स्वाधिनताको रक्षा र जनजीविकाका समस्या समाधान गर्न नयाँ जनवादी क्रान्ति आवश्यक रहेको भन्दै त्यसका लागि तयारी गरेर बन्दुक उठाउने समेत उदघोष गरे ।
उनले जनवादी क्रान्तिविना जनताको जीवनमा परिवर्तन नआउने भन्दै त्यसका लागि पार्टीले बन्दुक उठाउने गरी कार्यदिशालाई समृद्ध पार्ने बताए । अध्यक्ष वैद्यले नेकपा (माओवादी केन्द्र)सँग एकता हुन नसक्ने समेत बताए ।उनले माओवादी दलहरुसँग कथित एकताका नाममा आफ्नो विचार, पार्टी र बचेको क्रान्तिकारी धारलाई ध्वस्त पार्न खोजिएको आरोप लगाए ।
