पोखरा, १६ फागुन २०८२।
बोलिभियामा पैसा बोकेको सैनिक बिमान दुर्घटनाग्रस्त हुँदा १५ जनाको मृत्यु भएको छ भने ३० जनाभन्दा बढी घाइते भएका छन्।
बोलिभियाको एल अल्टो सहरमा वायुसेनाको हर्कुलस विमान शनिबार बिहान दुर्घटनाग्रस्त हुँदा १५ जनाको मृत्यु भएको छ भने ३० जनाभन्दा बढी घाइते भएका छन्।
रोयटर्सअनुसार, खराब मौसमका बाबजुद अवतरण गरेको उक्त विमान धावनमार्गबाट चिप्लिएर नजिकैको व्यस्त सडकमा पुगेर सडकमा पार्क गरिएका १० देखि १५ सम्म सवारीसाधनमा ठोक्किएको थियो। विमानको भग्नावशेष, क्षतिग्रस्त कार र शवहरू सडकमा छरिएका थिए। दुर्घटनापछि विमान दुई टुक्रा भएको थियो।
केन्द्रीय बैंकबाट नयाँ नोट लिएर आएको उक्त बिमान दुर्घटनापछि विमानस्थल अस्थायी रूपमा बन्द गरिएको छ।
