अफगानिस्तानको राजधानी काबुलमा नेपाली सुरक्षागार्ड सवार एक गाडीमा आत्मघाती बम आक्रमण हुँदा १२ जनाको ज्यान गएको छ । सोमबार बिहानै मिनी बसलाई निशाना बनाएर गरिएको आत्मघाती बम आक्रमण १२ जनाको ज्यान गएको हो । ज्यान गुमाउने १२ जना नेपाली सुरक्षाागार्ड रहेको अन्तराष्ट्रिय सञ्चारमाध्यमले जनाएका छन् ।
अफगानी अधिकारीका अनुसार यस हमलामा परेर ३० भन्दा धेरै मानिस गम्भीर घाइते भएका छन् । आक्रमणमा परेको यस मिनिबसमा १२ जना नेपाली सुरक्षागार्ड सवार थिए । घटनास्थलमा कयौं एम्बुलेन्स पुगेर घाइतेलाई धमाधम अस्पताल पुर्याएका छन् ।
परराष्ट्र मन्त्रालयका प्रवक्ता भरतराज पौड्यालले पत्रकार सम्मेलन गरेर काबुलमा मारिएका १२ नेपालीको नाम आएको पत्रकारहरुलाई बताएका छन् । स्थानीय प्रहरीका अनुसार आत्ममघाती हमलामा संलग्न व्यक्ति पैदल नै सवार थिए । ती आक्रमणकारीले मिनिबस आफू नजिक आइपुगेपछि बमले उडाएका हुन् ।
अफगान मिडियाले एक सरकारी अधिकारीलाई उधृत गर्दै जनाए अनुसार रमजान सुरु भएपछि काबुलमा यो पहिलो आतंकवादी हमला हो । यसभन्दाअघि १९ अप्रिलमा भएको हमलामा ६४ जना मानिस मारिएका थिए । घटनामा ३४० भन्दा बढी मानिस घाइते भएका थिए । तालिबान त्यो हमलाको जिम्मेवारी लिएको थियो ।
रराष्ट्र मन्त्रालयले सोमबार अपराह्न पत्रकार सम्मेलन गरी घटनामा मारिएका १४ मध्ये अहिलेसम्म १२ नेपालीको पहिचान भएको जनाएको छ । र नामहरु पनि सार्वजनिक गरेको छ ।
घटनामा मारिएका:
- अकुल तामाङ, सुनसरी
- चन्द्रबहादुर रानामगर, काठमाडौं
- हरिबहादुर बडवाल क्षेत्री, काठमाडौं
- विदुरबहादुर सुवेदी क्षेत्री, काठमाडौं
- अमृतबहादुर थापा, लमजुङ
- सुपबहादुर गुरुङ, स्याङ्जा
- डम्बरबहादुर तामाङ, नुवाकोट
- मधुसुदन कोइराला, नुवाकोट
- लिलबहादुर गुरुङ, नुवाकोट
- नवीनसिंह क्षेत्री, पर्वत
- कृष्णबहादुर ढुंगाना, चितवन
- जितेन्द्रसिंह थापा, बुटवल
यसैगरी, घाइते हुनेको नामावली यस्तो छः
- प्रेमबहादुर क्षेत्री, मोरङ
- चेतबहादुर शेरचन, म्याग्दी
- कुमारबहादुर गुरुङ, गोरखा
- मानबहादुर थापा, चितवन, मुग्लिन
- कृष्णकुमार देउजा, चितवन
- अमृत रोकाया क्षेत्री, सुर्खेत
- च्याङ्बा तामाङ, नुवाकोट
