पोखरा,११ कात्तिक २०८२।
देवघाटको जङ्गलमा सूर्यबहादुर थापा मृत भेटिएका छन्।
तीन हप्तादेखि सम्पर्कबिहिन थापा आइतबार भरतपुर महानगरपालिका वडा नम्बर १ देवघाटस्थित सतनचुली सामुदायिक वनमा मृत भेटिएका हुन्।
अन्दाजी ३५ वर्षीय थापालाई गाउँमा कालुराम पनि भनेर चिन्ने गरिन्छ र उनी गोर्खा जिल्लाको शहिदलखन गाउँपालिका वडा नं २ मनकामना कोटगाउँका बासिन्दा हुन्।
मनकामना जीर्णोद्वार समितिमा कार्यरत थापा गत असोज १९ गते बिहान घरबाट अफिस जान्छु भनेर हिँडेका र त्यसयता सम्पर्कबिहिन बनेका उनका आफन्तहरुले बताएका छन् ।
कालुराम थापाको शव आइतबार दिउँसो १२ बजे प्लास्टिकको डोरीमा झुण्डिएको अवस्थामा फेला परेको जिल्ला प्रहरी कार्यालय चितवनले जनाएको छ । घटनाबारे थप अनुसन्धान भइरहेको प्रहरीको भनाइ छ ।
