काठमाडौँ, १९ असोज २०८२।
हत्कडीसहित ठमेल बजार घुमाइएका गुण्डा नाइके सानुभाइ भनिने युवराज गुरुङ फेरि समातिएका छन्। उनलाई धाकधम्कीको आरोपमा जिल्ला प्रहरी परिसर, काठमाडौंको टोलीले फेरि समातिएका प्रवक्ता पवन भट्टराईले जानकारी दिए ।
गुरुङलाई २०८० सालको असारमा ठमेलको क्लब ओम्नियाका सञ्चालकलाई कुटपिट गरेको आरोपमा पक्राउ परेका बेला गुरुङलाई प्रहरीले हत्कडीसहित ठमेल बजार क्षेत्रमा घुमाएको थियो । त्यतिबेला गुण्डागर्दीमा संलग्नलाई ‘सबक’ सिकाउन हतकडीसहित बजार घुमाएको प्रहरी अधिकारीहरुले बताएका थिए । पछि जिल्ला प्रशासन कार्यालय, काठमाडौंले अभद्र व्यवहारको कसुरमा उनलाई १० हजार रुपैयाँ धरौटीमा छाडेको थियो ।
प्रहरीको रेकर्ड अनुसार, सानुभाइ कुनै समय गुण्डा नाइके कुमार घैंटेको समूहमा सक्रिय थिए । घैंटे प्रहरी मुठभेडमा २०७२ सालको भदौ ३ मारिएपछि उनी ‘बुलेट प्रुफ ज्याकेट’ लगाएर हिँड्न थालेका थिए ।
